Mei Dorf

 

                               Wann ich so dorch mei Dorf spazier

                               Un schau, wies scheen do leit,

                               dan denk ich ohni daß ich will

                               zruck an mei Kinerzeit.

 

                               Ich gsieh des kleeni heisl noch,

                               des war gedeckt mit Stroh.

                               Jetz steht a großes Haus am Platz,

                               als wärs schun ewich do.

 

                               Un vieles hat sich gänert noch;

                               Des is de Laaf der Zeit.

                               Nor staune kann mer, wunre sich.

                               Doch gsiens net alli Leit.

 

                               Wu mir als Kiner gspielt noch han,

                               ja, Rauwer un Schandar,

                               a ganz a neies Dorf dort steht.

                               Is des net Wunerbar.

 

                               Die Stroße ware holprich gween.

                               Heit sin se all gricht.

                               Vor jedem Haus jetz Blume stehn.

                               Drin brennt elektrischs Licht.

 

                               Ich wollt, ich kennt noch vieli Johr

                               Dorchs Dorf spaziere gehen,

                               an jeder Hand a Enklskind.

                               Wie wär des Wunerscheen!

 

                               Un wann ich nimmer kann do,

                               un aach mol sterwe tu,

                               begrabt mich in meim Heimatsdorf,

                               nor dort fin ich mei Ruh.